Во Колорадо,САД,голем интерес за македонскиот штанд
четврток, 08 мај 2008
(Специјално од Колорадо за Ohridlive) Жителите од Стимбоут Спрингс,Колорадо и од други градови во САД, имаат огромен интерес за се што ќе им биде претставено од Македонија.Македонскиот штанд,подготвен од невладинта организација ММХ беше најпосетен на интернационалната вечер на интегрирана заедница во овој американски град.Над 300 посетители ги видоа филмовите "Еден ден во Македонија" и "Охридско Езеро".Сите сакаа да чујат и да се запознаат со убавините на Македонија.
Посебен интерес посетителите покажаа за проектот за културна и едукативна размена помеѓу Македонија и Колорадо,кој започна со неодамнешната изложба на македонско-канадскиот сликар Мајкл Клоз во Галеријата Маунтан Колих.
Дел од македонскиот штанд во Колорадо
Летово е најавено учеството на Охридско лето на оперската певица Кери Растој и на пијанистката Матсуми Мотоки.Во неколку градови во Македонија паралелно ќе бидат изложени делата на Синтија Зизда и на Хол Алан.Во рамките на оваа размена септември ќе биде месец на македонската култура и уметност во Стимбоут Спрингс.Ги очекуваме да дојдат Зоран Велјаноски-Летра,обоиската Гордана Јосифова-Неделкоска,драматургот Јордан Плевнеш и сопрано пејачката Елна Голомеова.
Една од салите каде што се одржуваше туристичката манифестација
пишува:Весна Палмер
Ohridlive
http://www.ohridlive.com/index.php?option=com_content&task=view&id=566&Itemid=77